اسلام آباد۔3 مئی (اے پی پی) وزیرخارجہ سینیٹر محمد اسحاق ڈار یونان دے وزیر خارجہ جارج گیراپیٹرائٹس نال ٹیلی فون تے موجودہ علاقائی صورتحال تے ڳالھ مہاڑ کیتی اے ۔ترجمان دفتر خارجہ توں جاری بیان موجب ٹیلی فونک ڳالھ مہاڑ وچ نائب وزیراعظم تے وزیر خارجہ سینیٹر محمد اسحاق ڈار علاقائی امن تے سلامتی کیتے خطرہ بݨݨ آلے بھارت دے بے بنیاد الزامات، غلط معلومات دی مہم اتے غیر …
وزیرخارجہ سینیٹر محمد اسحاق ڈار یونان دے وزیر خارجہ جارج گیراپیٹرائٹس نال ٹیلی فون تے موجودہ علاقائی صورتحال تے ڳالھ مہاڑ
اسلام آباد۔3 مئی (اے پی پی) وزیرخارجہ سینیٹر محمد اسحاق ڈار یونان دے وزیر خارجہ جارج گیراپیٹرائٹس نال ٹیلی فون تے موجودہ علاقائی صورتحال تے ڳالھ مہاڑ کیتی اے ۔ترجمان دفتر خارجہ توں جاری بیان موجب ٹیلی فونک ڳالھ مہاڑ وچ نائب وزیراعظم تے وزیر خارجہ سینیٹر محمد اسحاق ڈار علاقائی امن تے سلامتی کیتے خطرہ بݨݨ آلے بھارت دے بے بنیاد الزامات، غلط معلومات دی مہم اتے غیر قانونی یکطرفہ اقدامات کوں واضح طور تے مسترد کریندے سندھ طاس معاہدے کوں ملتوی کرݨ دے بھارت دے یکطرفہ فیصلے دی وی شدید مذمت کیتی جو ایں دی بین الاقوامی ذمہ واریاں دی صریح خلاف ورزی اے۔ اسحاق ڈار علاقائی امن و استحکام کیتے پاکستان دے عزم دا اعادہ کیتا اتے اپݨی خودمختاری اتے قومی مفادات دا پختہ طور تے تحفظ کیتا۔ انہاں پاکستان دی طرفوں حقائق کوں سامݨے گھن آوݨ کیتے آزاد اتے شفاف تحقیقات دے مطالبے دا اعادہ کیتا، کشیدگی کوں روکݨ اتے امن و استحکام دے تحفظ کیتے تحمل دی اہمیت تے زور ݙتا۔ انہاں غیر جانبدار اتے شفاف انکوائری کیتے پاکستان دی تجویز دا خیر مقدم کیتا۔ ݙوہیں رہنماواں خاص طور تے کثیر الجہتی فورمز بشمول اقوام متحدہ دی سلامتی کونسل دے غیر مستقل رکن دے طور تے علاقائی اتے عالمی پیش رفت تے نیڑے رابطے برقرار رکھݨ تے اتفاق کیتا۔
