احمد پور شرقیہ۔ 07 مئی (اے پی پی) صوبائی وزیر محکمہ صحت تے چیئرمین کابینہ کمیٹی برائے امن و امان خواجہ سلمان رفیق بہاولپور دا دورہ کیتا۔ خواجہ سلمان رفیق بھارت دے بزدلانہ حملے اچ زخمی تھیوݨ آلے ہسپتال اچ زیر علاج شہریاں دی عیادت کیتی اتے طبی سہولتاں دا جائزہ ڳھدا۔ایں موقع تے کمشنر بہاولپور ڈویژن مسرت جبیں، ڈی سی بہاولپور ڈاکٹر فرحان فاروق، ڈی پی او محمد حسن اقبال، پرنسپل قائداعظم میڈیکل کالج بہاولپور ڈاکٹر صوفیہ فرخ، سپیشل سیکرٹری ہیلتھ اینڈ پاپولیشن جنوبی پنجاب محمد شہباز حسین، ڈائریکٹر ہیلتھ اینڈ سروسز ڈاکٹر تنویر شاہ اڳئیں ایم ایس بہاول وکٹوریہ ہسپتال بہاولپور انہاں دے رلے ہن۔صوبائی وزیر صحت خواجہ سلمان رفیق ایں موقع تے ریسکیو 1122 دے عملے نال وی ملاقات کیتی۔ صوبائی وزیر صحت اتے چیئرمین کابینہ کمیٹی برائے امن و امان خواجہ سلمان رفیق آکھیا جو وزیراعلیٰ پنجاب مریم نواز شریف دی ہدایت تے صورتحال دا جائزہ گھݨ کیتے فوری طور تے بہاولپور پڄاں۔ ہسپتال اچ زخمیاں کوں بہترین طبی سہولتاں ݙتی ویسن۔خواجہ سلمان رفیق آکھیا جو پورے صوبے دے سرکاری ہسپتالاں اچ ایمرجنسی نافذ کر ݙتی ڳئی اے۔ ڈاکٹرز، نرسز اتے پیرامیڈیکل اسٹاف زخمیاں دے علاج معالجے اچ مصروف ہن۔ بھارت ولوں رات دے اندھارے اچ بزدلانہ حملیاں دی پرزور مذمت کریندوں۔ صوبائی وزیر صحت آکھیا جو حکومت پاکستان تے پاک افواج بھارتی بزدلانہ کارروائیاں دا منہ ٻھن جواب ݙیسی۔
