لاہور۔ 7 مئی (اے پی پی) وزیراعلیٰ پنجاب مریم نواز شریف بھارتی جارحیت دی مذمت کیتی مے۔ آپݨے مذمتی بیان اچ وزیراعلیٰ مریم نواز شریف آکھیا جو عوام پاک فوج دے نال کھڑن ، شروع بھارت کیتا، انجام اساں کریسوں، امن چاہندوں پر عزت دے نال، جے جنگ مسلط کیتی گئی تاں پوری قوم ہک لشکر بݨ ویسی۔ وزیراعلیٰ ہدایت کیتی جو ریسکیو 1122، ضلعی انتظامیہ، سارے ہسپتال اَتے بئے متعلقہ ادارے ہنگامی بنیاداں تے الرٹ رہن جڈاںجو شہری غیر ضروری گھراں توں ٻاھر نہ نکلن، شہری دفاع دیاں ہدایتاں تے سختی نال عمل کیتا ونجے۔ وزیراعلیٰ مریم نواز شریف عوام توں اپیل کیتی جو افوائیں تے یقین نہ کرن، صرف سرکاری ذریعاں توں معلومات گھنن، زخمیاں یا متاثرہ لوکاں دی اطلاع فوری نیڑے دے ہسپتال یا ریسکیو ادارے کوں ݙیون۔
