لاہور۔8 مئی (اے پی پی) پنجاب حکومت امن و امان دی وَدھدی ہوئی صورتحال پاروں پورے صوبہ دے تعلیمی اداریاں وِچ 2 ݙینہہ دی چھٹیاں دا اعلان کر ݙتا، اِیں بارے نوٹیفیکیشن وی جاری کر ݙتا ڳئے۔ صوبائی وزیر تعلیم رانا سکندر حیات ݙسایا جو صوبے وِچ امن و امان دی وَدھدی ہوئی صورتحال پاروں سارے نجی اَتے سرکاری تعلیمی ادارے اڄ جمعہ 9 مئی اَتے 10 مئی کوں بند رکھیے ویسن، چھٹیاں دے اِے احکامات سارے سکولز، کالجز اَتے یونیورسٹیاں کیتے ہِن۔ اُنہاں ݙسایا جو پورے پنجاب دے سکولز، کالجز اَتے یونیورسٹیاں اِتوار تئیں بند رہسن جݙاں جو 12 مئی سنوار توں سارے تعلیمی اداریاں وِچ درس و تدریس دا عمل معمول دے مطابق شروع تھی ویسی۔
