اسلام آباد۔ 10 مئی (اے پی پی) وزیر دفاع خواجہ آصف آکھیا جو اگر اساں اے ردعمل نہ ڈیندے تاں بھارت 2 یا 3 مہینے بعد ول اساں تے چڑھائی کرݙیوݨی ہئی، اساں بھارت کوں روکیا اے، بھارت کوں پتہ لڳݨا چاہیدے جو پاکستان برداشت نہ کریسی۔ ہفتے کوں نجی ٹی وی نال گالھ مہاڑ کریندے ہوئیں وزیر دفاع خواجہ آصف آکھیا جو بھارت دے نال اگر معاملہ ودھدا اے تاں اساں اگلے لیول کیتے وی تیار ہیسے۔ وزیر دفاع خواجہ آصف آکھیا جو 2 ایٹمی طاقتاں دی جنگ دنیا کیتے فکر دا مقام اے، جنگ وڈی تھئی تاں ول ایں خطے تئیں محدود نہ رہ ویسی۔ خواجہ آصف ڈسایا جو نورخان ایئر بیس تے ہک گاݙی دے سوا کہیں بئی جاہ تے کوئی نقصان نئیں تھیا۔
