اسلام آباد۔21مئی (اے پی پی) سپیکر قومی اسمبلی سردار ایاز صادق خضدار بلوچستان اچ آرمی پبلک سکول دی بس تے حملے دی شدید الفاظ اچ مذمت کریندیں ہوئیں اوندے اچ جانی نقصان تے ݙکھ تے افسوس کیتا ۔ بدھ کوں آپݨے ہک مذمتی بیان اچ انہاں شہداء دے اہلِ خانہ نال تعزیت اتے ہمدردی دا اظہار کیتا اتے آکھیا جو پوری قوم ݙکھ اچ شہید تھیوݨ آلے بالاں دے ٹٻراں …
سپیکر قومی اسمبلی دی خضدار اچ سکول بس تے حملے دی مذمت
مزید خبراں
اسلام آباد۔21مئی (اے پی پی) سپیکر قومی اسمبلی سردار ایاز صادق خضدار بلوچستان اچ آرمی پبلک سکول دی بس تے حملے دی شدید الفاظ اچ مذمت کریندیں ہوئیں اوندے اچ جانی نقصان تے ݙکھ تے افسوس کیتا ۔ بدھ کوں آپݨے ہک مذمتی بیان اچ انہاں شہداء دے اہلِ خانہ نال تعزیت اتے ہمدردی دا اظہار کیتا اتے آکھیا جو پوری قوم ݙکھ اچ شہید تھیوݨ آلے بالاں دے ٹٻراں نال کھڑی اے۔ معصوم بالاں دی بس تے حملہ ٻہوں بزدلانہ اتے شرمناک اے، جیندی جتنی وی مذمت کیتی ونجے گھٹ اے۔ معصوم بالاں تے حملہ کرݨ آلے سفاک درندیاں دا کہیں مذہب اتے انسانیت نال کوئی تعلق نئیں۔ دہشت گردی دیاں بزدلانہ کاروائیاں اچ ملوث لوکاں نال آہنی ہتھیں نال نبڑیا ویسی۔ دہشت گردی دی ایں کاروائی دے منصوبہ سازاں اتے مجرماں کوں جلدی قانون دے کٹہرے اچ گھن آسوں۔ سپیکر قومی اسمبلی حملے اچ زخمی تھیوݨ آلیاں دی جلدی صحت یابی، شہدا دے درجات دی بلندی اتے سوگوار ٹبراں کوں ایں ناقابل تلافی نقصان کوں برداشت کرݨ کیتے صبرِ جمیل دی دعا کیتی۔
