اسلام آباد۔3 اکتوبر (اے پی پی) وزیراعظم محمد شہباز شریف دی ہدایت تے صومالیہ اچ جاں بحق تھئے پاکستانی شہریاں دیاں میتاں دی پاکستان منتقلی دے انتظامات جاری ہن، ایں سلسلے اچ جاں بحق پاکستانی شہریاں دیاں میتاں ہک گھنٹہ پہلے ایتھوپیا دے دارالحکومت ادیس ابابا پڄ ڳئن۔وزیراعظم دفتر دے میڈیا ونگ توں جاری بیان دے موجب ایتھوپین ایئرلائنز دا عملہ میتاں دے تابوتاں تے میتاں دی ضروری تیاری دا …
وزیراعظم دی ہدایت تے صومالیہ اچ جاں بحق پاکستانی شہریاں دیاں میتاں دی پاکستان منتقلی دے انتظامات جاری، میتاں ایتھوپین دارالحکومت ادیس ابابا پڄ ڳئن
اسلام آباد۔3 اکتوبر (اے پی پی) وزیراعظم محمد شہباز شریف دی ہدایت تے صومالیہ اچ جاں بحق تھئے پاکستانی شہریاں دیاں میتاں دی پاکستان منتقلی دے انتظامات جاری ہن، ایں سلسلے اچ جاں بحق پاکستانی شہریاں دیاں میتاں ہک گھنٹہ پہلے ایتھوپیا دے دارالحکومت ادیس ابابا پڄ ڳئن۔وزیراعظم دفتر دے میڈیا ونگ توں جاری بیان دے موجب ایتھوپین ایئرلائنز دا عملہ میتاں دے تابوتاں تے میتاں دی ضروری تیاری دا جائزہ گھندا پئے، جیندے بعد کراچی ونڄݨ آلی پرواز اچ میتاں دی روانگی کیتے حتمی منظوری ݙتی ویسی۔وزیراعظم دی ہدایت موجب متعلقہ حکام میتاں دی پاکستان منتقلی دے عمل کوں وقتی مکمل کرݨ کیتے مسلسل رابطے اچ ہن۔ وزیراعظم محمد شہباز شریف صومالیہ اچ جاں بحق تھیوݨ آلے پاکستانی شہری سید کاشف عمر، احمد انصاری تے رفیع اللہ دیاں میتاں کوں پاکستان واپس گھن آوݨ کیتے ہر ممکن معاونت دا یقین ݙیوایا ہئی۔وزیراعظم گزریل ݙینھ مرحوم دے پتر اذہان کاشف نال ٹیلیفون تے ڳالھ کریندے انہاں دے والد دے انتقال تے تعزیت کیتا تے یقین ݙوایا جو حکومت انہاں دے والد سودھے ٻئی میتاں دی وقتی پاکستان منتقلی کیتے سارے ضروری اقدامات کریسی۔
