اسلام آباد۔21 مئی(اے پی پی)وفاقی وزیر تجارت جام کمال خان خضدار، بلوچستان اچ سکول بس تے تھیوݨ آلے افسوسناک اتے بزدلانہ حملے دی شدید مذمت کیتی اے۔ جاری بیان موجب وزیر تجارت ایں حملے اچ قیمتی انسانی جاناں دے ضیان تے ݙکھ اتے افسوس دا اظہار کیتے اتے غیر انسانی اتے قابل نفرت عمل قرار ݙتا۔ انہاں آکھیے جو نشوم طلباء کوں نشانہ بݨاوݨ ہک سفاکانہ جرم اے، جیڑھا انہاں …
وفاقی وزیر تجارت جام کمال خان دی بلوچستان اچ سکول بس تے حملے دی مذمت
مزید خبراں
اسلام آباد۔21 مئی(اے پی پی)وفاقی وزیر تجارت جام کمال خان خضدار، بلوچستان اچ سکول بس تے تھیوݨ آلے افسوسناک اتے بزدلانہ حملے دی شدید مذمت کیتی اے۔ جاری بیان موجب وزیر تجارت ایں حملے اچ قیمتی انسانی جاناں دے ضیان تے ݙکھ اتے افسوس دا اظہار کیتے اتے غیر انسانی اتے قابل نفرت عمل قرار ݙتا۔ انہاں آکھیے جو نشوم طلباء کوں نشانہ بݨاوݨ ہک سفاکانہ جرم اے، جیڑھا انہاں عناصر دی مایوسی اتے بربریت کوں ظاہر کریندے جیڑھے اساݙے وطن کوں عدم استحکام دا شکار کرݨ چاہندے ہن۔جام کمال خان شہیداں دے لواحقین نال دلی ہمدردی دا اظہار کیتا اتے زخمیاں دی وختی صحتیابی کیتے دعا کیتی۔ انہاں آکھیے جو ایں طرح دے دہشت گرد حملے پاکستانی قوم اتے اوندے سکیورٹی اداریاں دے حوصلے کوں متزلزل نی کر سڳدے۔ انہاں آکھیے جو دشمن بھاویں اندرلے ہوون یا ٻاہرلے ، ملک اچ امن قائم کرݨ دیاں کوششاں کوں ناکام نہ تھیوݨ ݙتا ویسی۔ وفاقی وزیر انسداد دہشت گردی کیتے قانون نافذ کرݨ آلے اداریں اتے مسلح افواج دیاں کوششاں دی تعریف کیتی اتے آکھیے جو ایں بزدلانہ کارروائی اچ ملوث لوکاں اتے انہاں دے سہولت کاراں کوں وختی انصاف دی کچاری اچ گھن آیا ویسی۔
