لاہور۔ 1 جون (اے پی پی) صدر مملکت آصف علی زرداری اتے وزیراعظم شہباز شریف دی گورنر ہاؤس پنجاب وِچ ملاقات تھئی۔ ایں ملاقات وِچ ملکی سیاسی، معاشی اتے خارجہ امور تے تفصیلی ڳالھ مہاڑ کیتی ڳئی۔ وزیراعظم شہباز شریف صدر آصف علی زرداری کوں آپݨے اڄوکے غیر ملکی دوریں دا تفصیل نال ݙسائے۔ ایں موقع تے گورنر پنجاب سردار سلیم حیدر، سپیکر قومی اسمبلی سردار ایاز صادق اتے وفاقی وزیر داخلہ محسن نقوی وی موجود ہن۔صدر مملکت آصف علی زرداری آکھیے جو اساں ساریں کوں رَل مِل تے پاکستان کوں ترقی دی راہ تے ٹورݨا اے۔ انہاں مزید آکھیے جو پاکستان دیاں کامیابیاں کوں اڄ ساری دنیا منیندی پئی اے اتے کوئی وی ملک پاکستان کنے میلی اَکھ نال ڈیکھݨ دی جرأت نی کرسڳدا۔ وزیراعظم شہباز شریف صدر کوں ݙسایا جو دوست ملکاں دے دورے ٻہوں کامیاب رہین اتے پاکستان ہمیشہ امن دا پیغام ݙتے۔ انہاں زور ݙتا جو ساݙی بہادر پاک فوج دی وجہ توں کوئی وی اڄ پاکستان کنے میلی اکھ نال نی ݙیکھ سڳدا۔
