اسلام آباد۔3 جون (اے پی پی) حج دا رکن اعظم، وقوف عرفہ، خمیس کوں ادا کیتا ویسی۔ ہک لکھ پندرہ ہزار توں ودھ پاکستانی حاجیاں سودھے لکھاں کلمہ گو فریضہ حج دی سعادت حاصل کریسن۔ منیٰ اچ خیمہ وستی آباد تھی چکی اے، مکہ مکرمہ اچ رہندے دنیا بھر دے سارے حاجی (کل) ٻدھ کوں منیٰ روانہ تھیسن۔ منیٰ اچ ہک ݙینھ رہݨ دے بعد خمیس 9 ذوالحج کوں فریضہ …
حج دا رکن اعظم وقوف عرفہ خمیس کوں ادا کیتا ویسی
مزید خبراں
اسلام آباد۔3 جون (اے پی پی) حج دا رکن اعظم، وقوف عرفہ، خمیس کوں ادا کیتا ویسی۔ ہک لکھ پندرہ ہزار توں ودھ پاکستانی حاجیاں سودھے لکھاں کلمہ گو فریضہ حج دی سعادت حاصل کریسن۔ منیٰ اچ خیمہ وستی آباد تھی چکی اے، مکہ مکرمہ اچ رہندے دنیا بھر دے سارے حاجی (کل) ٻدھ کوں منیٰ روانہ تھیسن۔ منیٰ اچ ہک ݙینھ رہݨ دے بعد خمیس 9 ذوالحج کوں فریضہ حج دی ادائیگی کیتے نماز فجر دے بعد میدان عرفات پڄسن۔ مسجد نمریٰ اچ خطبہ حج سݨسن جیندے بعد نماز ظہر اتے عصر ادا کریسن۔ عصر اتے مغرب وچال وقوف عرفہ ہوسی جیندے اچ حاجی اللہ رب العزت دے حضور ڳڑڳڑا تے دعائیں کریسن۔ سجھ ٻُݙݨ دے نال ہی نماز مغرب ادا کیتے بغیر حاجی مزدلفہ روانہ تھیسن جتھاں او مغرب اتے عشا دی نمازاں کٹھی پڑھسن۔ رات کھلے آسمان تلے رہݨ دے بعد نماز فجر ادا کریسن اتے سجھ چڑھݨ دے نال ہی منیٰ اچ اپݨے خیمیں آلے پاسے مڑ ویسن۔ پہلے ݙینھ شیطان کوں وٹے مارݨ دے بعد ول سر منوا تے احرام کھول ݙییسن ایویں ہی ݙوجھے اتے تریجھے ݙینھ وی شیطان کوں وٹے مریسن۔ ایں دوران حاجی طواف زیارت کیتے مسجد الحرام ویسن۔ تریجھے ݙینھ شیطان کوں وٹے مارݨ دے بعد حاجی مکہ مکرمہ اچ اپݨیاں رہائش گاہواں آلے پاسے مڑ ویسن۔
