ریاض۔15جون (اے پی پی) سعودی ولی عہد اتے وزیراعظم شہزادہ محمد بن سلمان ایران دے صدر ڈاکٹر مسعود بزشکیان نال ٹیلی فون تے رابطہ کیتے۔ ایس پی اے موجب ٹیلی فونک رابطے وچ ولی عہد اسرائیلی جارحیت دی مذمت کریندے حملے وچ ہلاک تھیوݨ آلیں دے گھرآلیں نال تعزیت کیتی تے زخمیاں دی وختی صحت یابی دی امید ظاہر کیتی ۔ ولی عہد شہزادہ محمد بن سلمان ایران تے اسرائیلی حملیں دے حوالے نال مملکت دے مذمتی موقف کوں دوہرائے اتے انہاں حملیں کوں ایران دی خودمختاری اتے سلامتی کوں سبوتاژ کرݨ ، بین الاقوامی قوانین اتے اصولاں دی صریح خلاف ورزی قرار ݙتا۔ انہاں اے موقف دوہرائے جو اسرائیلی حملے ایران دے جوہری پروگرام متعلق بحران دے حل سانڳے جاری مذاکرات، کشیدگی وچ کمی اتے سفارتی حل تئیں پڄݨ دیاں کوششاں وچ رکاوٹ پاتی اے۔ ایں توں پہلے سعودی ولی عہد اتے وزیراعظم شہزادہ محمد بن سلمان اتے امریکی ڈونلڈ ٹرمپ ٹیلی فون تے رابطے وچ مشرق وسطیٰ وچ سلامتی، امن اتے استحکام دے حصول سانڳے سانجھی کوششاں دی اہمیت کوں دوہرایا ہئی
