اسلام آباد۔ 23 جون (اے پی پی): ڈائریکٹر جنرل پاکستان سپورٹس بورڈ (پی ایس بی) محمد یاسر پیر زادہ خرم شہزاد کوں پی ایس بی دا ترجمان مقرر کر ݙتا اے۔ او اپݨیاں موجودہ ذمے واریاں دے نال نال ترجمان دے فرائض وی انجام ݙیسن۔ ایں سانڳے باقاعدہ آفس آرڈر جاری کر ݙتا ڳئے۔ پاکستان سپورٹس بورڈ دی پریس ریلیز دے مطابق، خرم شہزاد ایں ویلے پاکستان سپورٹس بورڈ اچ پبلیکیشن آفیسر دے طور تے کم کریندے پین، انہاں کوں میڈیا نال سرکاری طور تے رابطے، پریس ریلیز دے اجراء، پبلک ریلیشنز بارے امور دی نگرانی اَتے متعلقہ فورمز تے بورڈ دی نمائندگی دیاں ذمے واریاں ݙتیاں ڳین۔ واضح راہوے جو خرم شہزاد سینئر صحافی مرحوم جاوید شہزاد دے نِکے بھرا ہن۔ خرم شہزاد صحافت اَتے پبلک ریلیشنز دے شعبے اچ وݙا تجربہ رکھیندن۔ او 2007 توں قومی خبر رساں ادارے ایسوسی ایٹڈ پریس آف پاکستان (اے پی پی) نال جڑیے ہوئن اَتے مختلف وفاقی وزراء دیاں میڈیا ٹیماں دا وی حصہ رہ چُکین۔
