واشنگٹن۔ 24 جون (اے پی پی) امریکی صدر ڈونلڈ ٹرمپ آکھیا جو منگل کوں ایران اَتے اسرائیل وچال جنگ بندی تے عملدرآمد شروع تھی ڳئے، انہاں ݙوہاں فریقاں تے زور ݙتا اے جو او جنگ بندی دی خلاف ورزی نہ کرن۔ انہاں آپݨے ٹرتھ سوشل تے ہک پوسٹ اچ آکھیا جو جنگ بندی ہݨ نافذ العمل اے، براہ کرم ایں دی خلاف ورزی نہ کرن۔ اے ایف پی دے مطابق، جنگ بندی تے عملدرآمد شروع تھیوݨ توں پہلے اسرائیل اَتے ایران ہک ٻئے تے شدید حملے کیتے۔ ایرانی دارالحکومت تہران اچ ساری رات دھماکیاں دا سلسلہ جاری رہیا، تہران دے شمال اَتے مرکز اچ تھیوݨ آلے دھماکیاں کوں صحافیاں جنگ شروع تھیوݨ دے بعد توں سب توں ودھ زوردار دھماکے قرار ݙتا۔ اسرائیل دے ہنگامی خدمات دے ادارے اَتے فوج آکھیا جو امریکی صدر ڈونلڈ ٹرمپ ولوں اعلان کردہ جنگ بندی دے نفاذ توں کجھ دیر پہلے ہی اسرائیل دے جنوبی شہر بیر شیبہ اچ ملٹی ویو ایرانی میزائل حملے اچ گھٹ توں گھٹ 4 لوک ہلاک تھی ڳئن۔
