وزیر داخلہ دا شہید میجر سید معیز عباس اَتے لانس نائیک جبران اللہ کوں خراج عقیدت

اسلام آباد۔ 24 جون(اے پی پی)وفاقی وزیر داخلہ محسن نقوی جنوبی وزیرستان دے علاقے اچ بھارتی اسپانسرڈ دہشت گرداں دے خلاف بہادری نال لڑدے شہید تھیوݨ آلے میجر سید معیز عباس اَتے لانس نائیک جبران اللہ کوں شاندار خراج عقیدت پیش کیتے۔ اپݨے بیان اچ انہاں آکھیا جو شہید میجر سید معیز عباس اَتے لانس نائیک جبران اللہ قوم دے محفوظ مستقبل کیتے اپݨیاں جاناں وطن تے وار ݙتن، شہید میجر سید معیز عباس اَتے لانس نائیک جبران اللہ قوم دے ہیرو ہن، قوم انہاں شہیداں دی عظیم قربانی کوں ہمیشہ یاد رکھسی، ݙوہیں شہیدا جواناں “فتنہ الہندوستان” دے دہشت گرداں دے ناپاک عزائم کوں ناکام بݨایا اَتے 11 خارجیاں کوں جہنم واصل کیتا، شہداء اپݨی جان ݙے تے “فتنہ الہندوستان” دے دہشت گرداں کوں عبرتناک انجام تئیں پُڄایا، شہید میجر سید معیز عباس اَتے لانس نائیک جبران اللہ ڄھیں بہادر سپوت قوم دا ماݨ ہین۔ وزیر داخلہ محسن نقوی شہید میجر سید معیز عباس اَتے لانس نائیک جبران اللہ دے خانداناں نال دلی ہمدردی اَتے تعزیت کریندے آکھیا جو اساݙیاں ساریاں ہمدردیاں شہداء دے خانداناں دے نال ہن۔