اسلام آباد۔ 24 جون (اے پی پی)وزیراعظم محمد شہباز شریف جنوبی وزیرستان اچ بھارت دے زیر سرپرستی سرگرم، “فتنہ الخوارج” دے دہشت گرداں دے ٹھکانے تے کامیاب آپریشن اَتے 11 خارجیاں کوں جہنم واصل کرݨ تے سکیورٹی فورسز دے افسراں و اہلکاراں دی پیشہ ورانہ صلاحیتاں دی تعریف کریندے آکھیے جو ارضِ وطن دی حفاظت دے غیر متزلزل عزم اچ مَیں سودھا پوری قوم افواج پاکستان دے نال کھڑی اے۔ وزیراعظم آپریشن اچ مادر وطن دی حفاظت اَتے دشمن دے ناپاک عزائم کوں ناکام ٻݨیدے ہوئیں شہید تھیوݨ آلے میجر سید معیز عباس شاہ اَتے لانس نائیک جبران اللہ کوں خراج عقیدت پیش کیتا۔ وزیراعظم شہداء دی بلندی درجات اَتے انہاں دے گھر آلیاں کیتے صبر دی دعا کیتی۔ انہاں آکھیا جو مَیں سودھا پوری قوم کوں اپݨے شہداء اَتے انہاں دے گھر آلیاں تے ماݨ اے، وطن عزیز کیتے جان ݙیوݨ آلے شہداء دیاں قربانیاں ضائع نا ون٘ڄݨ ݙیسوں۔ انہاں آکھیا جو دہشت گردی دے ناسور دے ملک توں مکمل خاتمے تئیں ایںدے خلاف جنگ جاری رکھسوں۔
