اسلام آباد۔ 29 جون (اے پی پی) وفاقی وزیر بحری امور محمد جنید انوار چوہدری آکھیے جو ماحولیاتی تبدیلی بندرگاہی معیشت کیتے خطرہ اے، سمندر دا ودھدا درجہ حرارت آبی حیات کیتے خطرہ اے۔وزارت بحری امور توں جاری اپݨے بیان اچ جنید انوار چوہدری آکھیے جو شدید گرمی نال ساحلی علاقیں اچ بیماریاں اچ ودھارا تھیندا پئے، کے پی ٹی تے سرکاری ملازماں دی ہیلتھ سکریننگ دا آغاز کر ݙتا ڳئے۔ انہاں آکھیا جو ساحلی علاقیں توں ماحولیاتی تحفظ دا آغاز ہووݨا چاہیدے، سمندر دا ودھدا درجہ حرارت آبی حیات کیتے خطرہ اے۔ وفاقی وزیر آکھیے جو علاقائی تعاون نال سمندری تحقیق کوں ودھاوݨا ہوسی۔ انہاں مزید آکھیا جو بندرگاہی علاقیں اچ شجرکاری اَتے ہوا رسانی دے منصوبیں دی لوڑھ اے، بندرگاہ مزدوراں کیتے سخت حفاظتی قوانین متعارف کریسوں، پورٹ کمیونٹی کلائمٹ ریزیلیئنس پروگرام شروع کیتا ویسی۔
