اسلام آباد۔ 16 جولائی (اے پی پی) وزیراعظم محمد شہباز شریف برطانیہ دی طرفوں پاکستانی پروازاں تے لاتی ڳئی پابندی مکاوݨ دے فیصلے تے وزیر دفاع اتے انہاں دی ٹیم دیاں کوششاں دی تعریف کریندے آکھیے جو برطانیہ سانڳے پاکستانی پروازاں دا ول آغاز پاکستان سانڳے اہم سنگ میل اے۔ ایں نال برطانیہ وچ رہݨ آلے پاکستانیاں سانڳے سفری سہولتاں وچ ودھارا تھیسی اتے سیاحت کوں وی ودھارا ملسی ۔ انہاں آکھیا جو ماضی وچ پاکستان تحریک انصاف دے رہنماواں دے غیر ذمہ دارانہ بیان پاروں پاکستانی پروازاں تے پابندیاں لاتن۔ وزیراعظم دفتر دے میڈیا ونگ توں جاری بیان موجب ، وزیراعظم محمد شہباز شریف نال وزیر دفاع خواجہ محمد آصف ملاقات کیتی۔ وزیراعظم برطانیہ دی طرفوں پاکستانی پروازاں تے لاتی ڳئی پابندی مکاوݨ تے وزیر دفاع خواجہ آصف کوں مبارخ ݙتی تے ایوی ایشن ڈویژن دی تعریف کیتی۔ وزیراعظم وزیر دفاع اتے انہاں دی ٹیم دیاں کوششاں دی تعریف کریندے آکھیا جو برطانیہ سانڳے پاکستانی پروازاں دا ول آغاز پاکستان سانڳے اہم سنگ میل اے، ماضی وچ پاکستان تحریک انصاف دے رہنماواں دے غیر ذمہ دارانہ بیاناں پاروں پاکستانی پروازاں تے پابندیاں لڳیاں اتے ملکی ساکھ کوں ضیان پُڄا۔ وزیراعظم آکھیا جو برطانیہ وچ رہݨ آلے پاکستانیاں سانڳے سفری سہولت وچ ودھارا تھیسی اتے سیاحت کوں وی ودھارا ملسی ۔ ملاقات اچ سیاسی و وزارتی امور تے وی ڳالھ مہاڑ تھئی۔
