اسلام آباد (اے پی پی) وفاقی وزیر بحری امور جنید انوار چوہدری آکھیے جو بحری آلودگی معیشت اتے صحت کیتے ہک سنگین خطرہ اے، اتے سمندری آلودگی دے خلاف ہک موثر عوامی مہم چلاوݨ دی لوڑھ اے۔وفاقی وزیر بحری امور محمد جنید انوار چوہدری دی صدارت اچ سمندری آلودگی کنٹرول بورڈ دا اجلاس تھیا جیں اچ بحری آلودگی روکݨ کیتے اہم اقدامات چاوݨ دا فیصلہ کیتا ڳئے۔ اجلاس دوران ڳالھ مہاڑ کریندے وفاقی وزیر بحری امور آکھیے جو حکومت سمندری ماحول دے تحفظ اتے پائیدار ترقی کیتے پرعزم اے۔انہاں آکھیا جو مچھی، سیاحت اتے شپنگ صنعتاں آلودگی نال متاثر تھیندیاں پئن، اتے سمندری آلودگی نال ماہی گیر برادریاں دا روزگار خطرے اچ پئے ڳئے۔ وفاقی وزیر مزید ݙسایا جو کراچی دے ساحلی پاݨی اچ آلودگی تشویشناک حد تئیں ودھ چکی اے، اتے گندے پاݨی اتے صنعتی فضلے دا سمندر اچ داخلہ وختی روکݨ دی لوڑھ اے۔ ہاربر انفراسٹرکچر کوں آلودگی پاروں ٻہوں ضیان تھیندا پئے۔انہاں آکھیا جو کوڑا کرکٹ کوں روکݨ کیتے نالیں تے ڄال اتے دریاواں دے آسے پاسے باڑ لاوݨ دی تجویز ݙتی ڳئی اے۔ انہاں منوڑہ، بابا بھٹ جزائر اچ نویں سیوریج ٹریٹمنٹ پلانٹس دی وختی تعمیر دی لوڑھ تے وی زور ݙتا۔ اجلاس اچ انکشاف تھیا جو کراچی روزانہ 472 ملین گیلن گندا پاݨی پیدا کریندے۔
