فلوریڈا۔1اگست (اے پی پی) ویسٹ انڈیز اتے پاکستان دی کرکٹ ٹیماں وچال ترائے ٹی ٹونٹی بین الاقوامی میچاں تے مشتمل سیریز دا ݙوجھا میچ 3 اگست کوں سینٹرل بروورڈ ریجنل پارک سٹیڈیم ٹرف گراؤنڈ، لاڈر ہل، فلوریڈا اچ کھیݙیا ویسی۔ اے میچ رات کوں ہوسی اتے فلڈ لائٹس دی روشنی وچ کھیڈیا ویسی۔ پاکستان کوں ترائے ٹی ٹونٹی میچاں دی سیریز اچ ویسٹ انڈیز دے خلاف 0-1 دی برتری حاصل اے۔ گرین شرٹس پہلے ٹی ٹونٹی میچ اچ میزبان ویسٹ انڈین ٹیم کوں 14 رنز توں ہرایا ہا۔پاکستان دی کرکٹ ٹیم ویسٹ انڈیز دے دورے تے اے اتے گرین شرٹس آپݨے دورہ ویسٹ انڈیز اچ میزبان ٹیم دے خلاف 3 ٹی ٹونٹی اتے 3 ہک ݙینہہ (ون ڈے) بین الاقوامی میچاں دی سیریز کھیݙسی۔ 3 ٹی ٹونٹی بین الاقوامی میچاں دی سیریز دا ہک میچ تھی ڳئے جو پاکستان جت ڳھدا ہا۔
