صدر مملکت آصف علی زرداری دی قومی کرکٹ ٹیم کوں ویسٹ انڈیز دے خلاف ٹی 20 سیریز جتݨ تے مبارخ

اسلام آباد۔4اگست (اے پی پی) صدر مملکت آصف علی زرداری دی قومی کرکٹ ٹیم کوں ویسٹ انڈیز دے خلاف ٹی 20 سیریز جتݨ تے مبارخ ݙتی اے۔ سنوار کوں ایوان صدر دے پریس ونگ توں جاری بیان اچ صدر مملکت آکھیا جو “پاکستانی کھڈاریاں بہترین کھیڈ دا مظاہرہ کر تے دل جت ڳھدے، اے جت قومی ٹیم دی محنت دا نتیجہ اے۔” صدر آصف علی زرداری آکھیا جو “امید اے جو قومی ٹیم اڳوں وی کامیابیاں حاصل کریندی رہسی۔”