پولیس دے شہیداں کوں خراج عقیدت، 4 اگست دا ݙینہہ ملک دی اندرونی سلامتی دے رکھوالیاں دے ناں اے جنہاں آپݨی قیمتی جاناں قربان کر تے ریاستی عملداری کوں یقینی بݨایا، وزیر داخلہ محسن نقوی

اسلام آباد۔4اگست (اے پی پی) وفاقی وزیر برائے داخلہ محسن نقوی پولیس دے سارے شہیداں کوں خراج عقیدت پیش کریندیں ہوئیں آکھیا جو “4 اگست دا ݙینہہ ملک دی اندرونی سلامتی دے رکھوالیاں دے ناں اے جنہاں آپݨٰی قیمتی جاناں قربان کر تے ریاستی عملداری کوں یقینی بݨایا۔ سنوار کوں یومِ شہدائے پولیس تے آپݨے سنیھے اچ وفاقی وزیر داخلہ آکھیا جو “پولیس دے سارے شہیداں کوں خراج عقیدت پیش کرینداں، انہاں عظیم رکھوالیاں کوں سلام پیش کرینداں جو شہادت دے مرتبے تے فائز تھی تے ہمیشہ کیتے زندہ تھی ڳئن۔ انہاں آکھیا جو “دہشتگردی، جرائم اتے سماج دشمن عنصراں دے خلاف بہادری نال لڑدے ہوئیں جاناں ݙیوݨ آلے پولیس افسر تے جوان قوم دے ہیرو ہن۔ محسن نقوی آکھیا جو “اساں ہر لمحہ پولیس دے شہدا دے گھر آلیاں دے نال ہیسے اتے نال رہسوں، او قوم ہمیشہ سرخرو تھیندی اے جو آپݨے شہدا دی عزت کریندی اے۔ انہاں آکھیا جو “اڄ اساں آپݨے ضمیر دے سامݨے عہد کریندوں جو نہ اساں پولیس شہدا کوں بھلسوں اتے نہ ای انہاں دے خانداناں کوں کلھا چھڑیسوں۔