سینئر اسرائیلی وزرا، ارکان پارلیمنٹ، سرکاری حکام اتے ہزاراں اسرائیلی آبادکاراں ولوں مسجد اقصیٰ دی بے حرمتی جارحانہ اتے اشتعال انگیز قدم اے، ترجمان دفتر خارجہ

اسلام آباد۔4اگست (اے پی پی) پاکستان سینئر اسرائیلی وزیراں، ارکان پارلیمنٹ، سرکاری حکام اتے ہزاراں اسرائیلی آبادکاراں ولوں اسرائیلی پولیس دی سیکیورٹی اچ مسجد اقصیٰ دی بے حرمتی کوں جارحانہ اتے اشتعال انگیز قدم قرار ݙیندیں ہوئیں ایں دی مذمت کیتی ہے۔ دفتر خارجہ دے ترجمان ولوں سنوار کوں جاری بیان اچ آکھیا ڳیا جو “سینئر اسرائیلی حکام دی موجودگی اتے انہاں دے بیان اتے نفرت آمیز اعلان جو ‘ٹیمپل ماؤنٹ (القدس الشریف) اساݙا اے’، پوری دنیا اچ مذہبی جذبات کوں بھڑکاوݨ، کشیدگی اچ اضافہ کرݨ اتے مسجد اقصیٰ دی حیثیت کوں تبدیل کرݨ دی ہک خطرناک اتے سوچ سمجھ تے کیتی ڳئی کوشش اے۔ اسرائیل دی ودھاوݨ آلیاں کوششاں خطے کوں غیر مستحکم کرݨ اتے امن دے کہیں وی با مقصد رستے کوں تباہ کرݨ دا سوچیا سمجھیا قدم ہن۔ ایں اشتعال انگیزی نال پورے خطے اچ تشدد دا تباہ کن سلسلہ شروع تھیوݨ دا خطرہ اے۔ دنیا کوں ایجھی منظم، غیر قانونی، غیر انسانی اتے غیر قانونی جارحیت دے سامݨے چپ نئیں رہݨا چاہیدا۔ ایں سویں اقدامات بین الاقوامی انسانی حقوق اتے انسانی قوانین، اقوام متحدہ دے چارٹر دے نال نال اقوام متحدہ اتے او آئی سی دی مختلف قرارداں دی کھلی خلاف ورزی ہن۔ پاکستان جون 1967ء دی سرحداں تے مبنی ہک خودمختار، آزاد، عمل اچ آوݨ آلی اتے ہک ݙوجھے نال جُڑی ہوئی فلسطینی ریاست دے قیام کیتے آپݨی غیر متزلزل حمایت دا اعادہ کریندے، جئیں دا راجگڑھ القدس الشریف ہووے۔