وزیراعظم شہباز شریف دی اسرائیلی وزیراں ولوں مسجد اقصیٰ تے حملے دی مذمت

اسلام آباد۔4اگست (اے پی پی) وزیراعظم محمد شہباز شریف اسرائیلی وزیراں ولوں آبادکار گروپاں دے نال رَل تے مسجد اقصیٰ تے حملہ کرݨ دی مذمت کریندیں ہوئیں آکھیا ہے جو “مسجد اقصیٰ دی بے حرمتی نہ صرف ہک ارب توں ودھ مسلماناں دے عقیدے دی توہین اے بلکہ بین الاقوامی قانون اتے انسانی اجتماعی ضمیر تے وی براہ راست حملہ ہے۔”سنوار کوں سماجی رابطے دی ویب سائٹ “ایکس” تے ہک پوسٹ اچ وزیراعظم آکھیا جو پاکستان مسجد اقصیٰ تے اسرائیلی وزیراں ولوں آبادکار گروپاں دے نال رَل تے اتے اسرائیلی پولیس دی ڈھال اچ حملہ کرݨ دی مذمت کریندے۔ انہاں آکھیا جو “مسلماناں دے سب توں مقدس جہیں اچوں ہک دی اے بے حرمتی نہ صرف ہک ارب توں ودھ مسلماناں دے عقیدے دی توہین اے بلکہ بین الاقوامی قانون اتے انسانیت دے اجتماعی ضمیر تے وی براہ راست حملہ اے۔ انہاں آکھیا جو “قابض اسرائیلی حکومت ولوں ایجھی منظم اشتعال انگیزیاں امن دے امکانات کوں خطرے اچ پا ݙتے۔ انہاں آکھیا جو “اسرائیل دے جارحانہ اقدامات جاݨ بجھ تے فلسطین اتے خطے اچ کشیدگی کوں ہوا ݙیندے پئن اتے مشرق وسطیٰ کوں ٻئے عدم استحکام اتے تنازعیاں آلے پاسے کریندے پئن۔ وزیراعظم آکھیا جو “پاکستان بین الاقوامی قانون اتے اقوام متحدہ دی متعلقہ قرارداداں دے مطابق جلدی جنگ بندی، سارے جارحیت دے خاتمے اتے ہک قابل اعتماد امن عمل دی بحالی دے مطالبے دا اعادہ کریندے جئیں نال فلسطین دی ہک آزاد اتے عمل اچ آوݨ آلی ریاست دا قیام تھیوے جئیں دا راجگڑھ القدس الشریف ہووے۔”