چیئرمین سینیٹ سید یوسف رضا گیلانی دی ویسٹ انڈیز دے خلاف ٹی 20 سیریز اچ شاندار کامیابی تے پاکستان کرکٹ ٹیم کوں مبارخ

اسلام آباد۔4اگست (اے پی پی) چیئرمین سینیٹ سید یوسف رضا گیلانی ویسٹ انڈیز دے خلاف ٹی 20 سیریز اچ شاندار کامیابی تے قومی کرکٹ ٹیم کوں مبارخ ݙتی اے۔ سنوار کوں سینیٹ سیکرٹریٹ توں جاری بیان موجب چیئرمین سینیٹ آکھیا جو “پاکستان ٹیم دے کھڈاریاں میدان اچ جئیں جذبے، نظم و ضبط اتے ٹیم ورک دا مظاہرہ کیتا او تعریف دے لائق اے۔ انہاں آکھیا جو “پاکستانی بلے بازاں اتے گیند بازاں ویسٹ انڈیز دے خلاف غیر معمولی کارکردگی پیش کیتی جو ایں ڳالھ دا ثبوت اے جو پاکستان ٹیم کہیں وی عالمی ٹیم کوں ہراوݨ دی پوری صلاحیت رکھیندی اے۔ چیئرمین سینیٹ ٹیم دے کوچنگ سٹاف اتے انتظامیہ دی کوششاں دی وی تعریف کیتی اتے آکھیا جو “انہاں دی محنت ایں کامیابی اچ اہم کردار ادا کیتے۔