اسلام آباد۔4اگست (اے پی پی)نائب وزیراعظم و وزیر خارجہ سینیٹر محمد اسحاق ڈار دی زیر صدارت ضبط شدہ/ٹمپرڈ گاݙیاں بارے موجودہ قوانین اتے پالیسیاں دا جائزہ اجلاس اسلام آباد اچ تھئے۔ نائب وزیراعظم آفس دے پریس ونگ دے مطابق، ایں موقع تے فیڈرل بورڈ آف ریونیو (ایف بی آر) ولوں موجودہ قانونی دفعات بارے ہک جامع جائزہ پیش کیتا ڳیا۔ اجلاس اچ ضبط شدہ گاݙیاں کوں ٹھکاݨے لاوݨ، انہاں دی …
نائب وزیراعظم محمد اسحاق ڈار دی زیر صدارت ضبط شدہ/ ٹمپرڈ گاݙیاں بارے قوانین اتے پالیسیاں دا جائزہ اجلاس
اسلام آباد۔4اگست (اے پی پی)نائب وزیراعظم و وزیر خارجہ سینیٹر محمد اسحاق ڈار دی زیر صدارت ضبط شدہ/ٹمپرڈ گاݙیاں بارے موجودہ قوانین اتے پالیسیاں دا جائزہ اجلاس اسلام آباد اچ تھئے۔ نائب وزیراعظم آفس دے پریس ونگ دے مطابق، ایں موقع تے فیڈرل بورڈ آف ریونیو (ایف بی آر) ولوں موجودہ قانونی دفعات بارے ہک جامع جائزہ پیش کیتا ڳیا۔ اجلاس اچ ضبط شدہ گاݙیاں کوں ٹھکاݨے لاوݨ، انہاں دی نیلامی اتے ٹمپرڈ گاݙیاں دے استعمال بارے طریقہ کار کوں بہتر بݨاوݨ دیاں تجویزاں دا وی جائزہ ڳھدا ڳیا۔ نائب وزیراعظم و وزیر خارجہ سینیٹر محمد اسحاق ڈار انڄھیاں ڳاݙیاں کوں تیزی نال ٹھکاݨے لاوݨ، نیلامی دے عمل دی ڈیجیٹلائزیشن اتے آؤٹ سورسنگ دے نال نال شفافیت اتے کارکردگی سانڳے بین الاقوامی طریقیاں تے عملدرآمد دی ہدایت کیتی۔ اجلاس اچ وفاقی وزیر قانون و انصاف، ایس اے پی ایم، اٹارنی جنرل برائے پاکستان، سیکرٹری اطلاعات، چیئرمین ایف بی آر اتے کسٹمز دے اعلیٰ حکام وی شرکت کیتی۔
