وفاقی وزارت بحری امور فیری سروس لائسنس دی اصولی منظوری ݙے ݙتی

اسلام آباد۔4اگست (اے پی پی)وفاقی وزارت بحری امور فیری سروس لائسنس دی اصولی منظوری ݙے ݙتی اے۔ وفاقی وزارت بحری امور فیری سروس لائسنس دی اصولی منظوری دی تصدیق کیتی اے جو سی کیپرز کوں ایران اتے خلیجی ملکاں کیتے فیری لائسنس دی منظوری ݙتی ڳئی اے۔ ایں موقع تے الیندے وفاقی وزیر جنید انوار چوہدری آکھیا جو “اڄ بحری رابطے دی نویں تاریخ لکھی ڳئی اے، فیری سروس نال زائرین اتے مزدوراں کوں سستا سفر ملسی، کراچی اتے گوادر توں فیری سروس دا آغاز ہوسی۔” انہاں آکھیا جو “سمندری سفر محفوظ، آرام دہ اتے سستا بݨایا ویسی، پاکستان دی سمندری معیشت، علاقائی سیاحت اتے تجارت کوں ودھارا ملسی، فیری سروس شروع کرݨ کیتے کوششاں تکھیاں کر ݙتیاں ڳئن۔”