اسلام آباد۔4اگست(اے پی پی)وفاقی وزیر تجارت جام کمال خان اتے پاکستان اچ تعینات بنگلہ دیش دے ہائی کمشنر محمد اقبال حسین خان ملاقات کیتی۔ ملاقات اچ ݙو طرفہ تجارت، توانائی، لاجسٹکس اتے صنعتی رابطیاں دے ودھارے تے تفصیلی ڳالھ کیتی ڳئی۔ ہائی کمشنر اقبال حسین خان اڄوکے دوریاں اچ پاکستان دے صنعتی مرکزاں دے مشاہدات اتے اتھو دے مقامی چیمبرز آف کامرس دی دلچسپی دا ݙسایا، خاص کر بنگلہ دیش …
وفاقی وزیر تجارت جام کمال خان نال بنگلہ دیش دے ہائی کمشنر دی ملاقات
اسلام آباد۔4اگست(اے پی پی)وفاقی وزیر تجارت جام کمال خان اتے پاکستان اچ تعینات بنگلہ دیش دے ہائی کمشنر محمد اقبال حسین خان ملاقات کیتی۔ ملاقات اچ ݙو طرفہ تجارت، توانائی، لاجسٹکس اتے صنعتی رابطیاں دے ودھارے تے تفصیلی ڳالھ کیتی ڳئی۔ ہائی کمشنر اقبال حسین خان اڄوکے دوریاں اچ پاکستان دے صنعتی مرکزاں دے مشاہدات اتے اتھو دے مقامی چیمبرز آف کامرس دی دلچسپی دا ݙسایا، خاص کر بنگلہ دیش دیاں صنعتی ضرورتاں سانڳے پاکستانی کوئلے اتے چونے دے پتھر دی مانڳ تے زور ݙتا جیڑھے بنگلہ دیش دی بجلی دی پیداوار اتے سوڈا ایش دی تیاری اچ استعمال تھیندن۔ ملاقات اچ زرعی تجارت دے ودھارے تے ڳالھ تھئی جیںدے اچ پاکستان ولوں بنگلہ دیش توں انناس دی درآمد اتے امٻ دی ممکنہ برآمدات تے غور تھیا ڄیڑھے تکنیکی منظوری دے بعد ممکن ہوسن۔ فریقاں ٹیکسٹائل، معدنی برآمدات (خاص طور تے سندھ توں اعلیٰ معیار دا چونے دا پتھر) اتے حلال گوشت دیاں مصنوعات دے شعبیاں اچ موقعے ڳولݨ تے اتفاق کیتا۔ انہاں لاجسٹک چیلنجز دے حل اتے بزنس ویزا پروسیسنگ کوں سوکھا بݨاوݨ تے الایا۔ ملاقات اچ مختلف شعبیاں اچ ݙوطرفہ کاروباری رابطیاں کوں مضبوط کرݨ اتے تجارتی طریقہ کار کوں بہتر بݨاوݨ تے اتفاق کیتا۔
