پاکستان اتے یورپی یونین دے مضبوط تعلقات خطے دے استحکام اتے عالمی سلامتی اچ اہم کردار ادا کریندے پئن، صدر آصف علی زرداری دی ڈاکٹر رینا کیونکا نال ملاقات اچ ڳالھ مہاڑ

اسلام آباد۔5اگست (اے پی پی) صدر مملکت آصف علی زرداری آکھیا اے جو “پاکستان اتے یورپی یونین دے مضبوط تعلقات خطے دے استحکام اتے عالمی سلامتی اچ اہم کردار ادا کریندے پئن، یورپی یونین پاکستان دے وݙے تجارتی اتے سرمایہ کاری سانجھے داراں اچ شامل اے، پاکستان یورپی یونین دے نال آپݨے کئی پاسے دے تعلقات کوں خاص اہمیت ݙیندے، تجارت، ماحول، ہجرت اتے علاقائی امن سویں سانجھے مقاصد پاک-یورپی سانجھے داری کوں ٻیا مضبوط کریسن۔ منگل کوں ایوان صدر دے پریس ونگ توں جاری بیان موجب صدر مملکت اے ڳالھیں پاکستان اچ یورپی یونین دے سفارتی مشن دی سربراہ ڈاکٹر رینا کیونکا نال ایوانِ صدر اچ الوادعی ملاقات اچ کیتی۔ انہاں آکھیا جو پاکستان یورپی یونین نال آپݨے کئی پاسے دے تعلقات کوں خصوصی اہمیت ݙیندے، پاکستان اتے یورپی یونین دے مضبوط تعلقات خطے دے استحکام اتے عالمی سلامتی اچ اہم کردار ادا کریندے پئن، یورپی یونین پاکستان دے وݙے تجارتی اتے سرمایہ کاری شراکت داراں اچ شامل اے۔ صدر آصف علی زرداری آکھیا جو “ایراسمس منڈس اتے ہورائزن یورپ پروگرام پاکستان دے نوجواناں کیتے قیمتی تعلیمی اتے تحقیقی موقعے فراہم کریندے پئن، پاکستان پاک-یورپی اسٹریٹجک انگیجمنٹ پلان تے پورا عملدرآمد کیتے پرعزم اے۔ انہاں آکھیا جو تجارت، ماحول، ہجرت اتے علاقائی امن سویں سانجھے مقاصد پاک-یورپی شراکت داری کوں ٻیا مضبوط کریسن۔ صدر آصف علی زرداری ڈاکٹر رینا کیونکا دی پاک-یورپی تعلقات دے فروغ اچ خدمتاں کوں سراہندے ہوئیں یورپی یونین وفد دی سربراہ کیتے چنڳیاں خواہشاں دا اظہار کیتا۔