مقبوضہ کشمیر اچ بنیادی انسانی حقوق پامال کیتے ویندا پئن، وفاقی وزیر صحت مصطفیٰ کمال

اسلام آباد۔5اگست (اے پی پی) وفاقی وزیر صحت مصطفیٰ کمال آکھیا اے جو “مقبوضہ کشمیر اچ بنیادی انسانی حقوق پامال کیتے ویندا پئن۔ کشمیری عوام صحت تے علاج دی سہولتاں توں وی محروم ہن۔اے ڳالھیں انہاں یومِ استحصال کشمیر تے جاری آپݨے سنیھے اچ کیتا۔ انہاں آکھیا جو “5 اگست 2019 دا ݙینہہ کشمیریاں تے ظلم و جبر دی یاد ݙویندے، بھارت 5 اگست کوں اقوام متحدہ دی قرارداداں دی سنگین خلاف ورزی کیتی اے۔ کشمیریوں دی سیاسی، اخلاقی، سفارتی حمایت جاری رکھیسوں۔ عالمی برادری بھارتی مظالماں دا نوٹس ڳھنے۔ انہاں آکھیا جو “کشمیری عوام دی قربانیاں رائیگاں نہ ویسن۔ کشمیر دا ہر ݙکھ اساݙا ݙکھ اے۔ انہاں آکھیا جو “کشمیر دی آزادی تئیں اساݙی جدوجہد جاری رہسی۔