اسلام آباد۔5اگست (اے پی پی) وفاقی وزیر اطلاعات تے نشریات عطاء اللہ تارڑ آکھیا جو “کشمیریوں دا جذبہ حریت اڄ وی جواں اے، کشمیری بہادر عوام اڄ وی ظالم قوتاں دی اکھیں اچ اکھیں پاتے نعرہ بلند کریندن جو ”اساں پاکستانی ہیسے اتے پاکستان اساݙا اے“۔” منگل کوں قومی اسمبلی دے اجلاس اچ ڳالھ کریندیں ہوئیں وفاقی وزیر اطلاعات آکھیا جو “سارے مظالماں اتے بھارتی ریاستی جبر دے باوجود کشمیری عوام دا جذبہ حریت اڄ وی جواں اے، کشمیری عوام بہادری، حوصلے اتے استقامت دے نال ظالم قوتاں دی اکھیں اچ اکھیں پاتے ایہہ نعرہ بلند کریندن جو ”اساں پاکستانی ہیسے، پاکستان اساݙا اے“ انہاں آکھیا جو “برہان مظفر وانی آپݨی لازوال قربانی نال لکھاں کشمیری نوجواناں دے دلاں اچ تحریک آزادی کیتے نویں روح پُھوکی جݙاں ایں نوجوان کوں بھارتی قابض افواج شہید کیتا تاں اونکوں پاکستانی سبز ہلالی پرچم اچ سپرد خاک کیتا ڳیا۔ اڄ وی کشمیری نوجواناں دی شہادت دے بعد تدفین ایں ہی پرچم اچ کیتی ویندی اے جو ایں ڳالھ دا ثبوت اے جو کشمیریوں دا دل اڄ وی پاکستان دے نال دھڑکدے۔ وفاقی وزیر آکھیا جو “پاکستان ہر بین الاقوامی فورم تے کشمیریوں دی جدوجہد آزادی دی بھرپور حمایت کیتی اے اتے اے اخلاقی، سیاسی اتے سفارتی حمایت جاری رہسی۔ انہاں آکھیا جو “بھارت دی اے خام خیالی اے جو او جبر تے تشدد نال کشمیریوں دی آواز دبا ڳھنسی حالانکہ تاریخ ثابت کیتے جو ایجھا سارے ہتھکنڈے کشمیریاں دے جذبے کوں ٻیا جلا بخشیندن۔ انہاں آکھیا جو “اقوام متحدہ دی سلامتی کونسل دی قرارداداں موجب کشمیری عوام کوں انہاں دا حق خود ارادیت ہر صورت اچ مل تے رہسی۔ انہاں واضح کیتا جو “نریندر مودی دی حکومت جتنا ظلم ودھیندی اے، کشمیریوں دا جذبہ اتے حوصلہ اتنا ای مضبوط تھیندے۔ وفاقی وزیر اطلاعات آکھیا جو “کیا مودی سرکار ایں سال مئی اچ پاکستانی قوم کوں آزما تے ݙیکھ نئیں ڳھدا؟ معرکہ حق آپریشن بنیان مرصوص اچ پوری پاکستانی قوم آپݨی افواج دے نال سیسہ پلائی دیوار بݨ تے کھڑی رہی، افواج پاکستان فیلڈ مارشل عاصم منیر دی قیادت اچ ہک مربوط، جامع اتے موثر حکمت عملی اپنائی جیں دے نتیجے اچ پاکستان ہر محاذ تے سرخرو تھیا۔
