اسلام آباد۔5اگست (اے پی پی) یوم استحصال کشمیر دے موقع تے سینیٹر اعظم نذیر تارڑ وفاقی وزیر برائے قانون تے انصاف و انسانی حقوق آپݨے سنیھے اچ کشمیری عوام نال اظہارِ یکجہتی کیتا اتے آکھیا جو 5 اگست 2019، بھارتی آئین دے آرٹیکل 370 اتے 35A دے خاتمے دا سیاہ ݙینہہ اے۔ منگل کوں وزارت قانون تےانصاف دے ترجمان موجب وفاقی وزیر قانون وانصاف آکھیا جو “بھارتی اقدام اقوام متحدہ دی قرارداداں اتے بین الاقوامی قوانین دی کھلی خلاف ورزی اے۔ کشمیر ہݨ وی بدترین محاصرے، بلیک آؤٹ، اتے انسانی حقوق دی سنگین خلاف ورزیاں دا شکار اے۔ پاکستان کشمیریاں دے حق خود ارادیت دی بھرپور حمایت جاری رکھیسی۔ عالمی برادری ظلم تے خاموشی اختیار نہ کرے، اے دراصل حمایت دے مترادف اے۔ سینیٹر اعظم نذیر تارڑ آکھیا جو “عالمی فورمز تے بھارت دے غیر قانونی اقدامات کوں بے نقاب کریندے رہسوں۔ کشمیر دی آزادی، امن اتے انصاف دی جدوجہد اچ پاکستان کشمیری عوام دے نال کھڑے۔
