اسلام آباد۔6اگست (اے پی پی) وفاقی وزیرداخلہ محسن نقوی کرک اچ ایف سی اہلکاراں دی گاݙی تے فتنۃ الہندوستان دے دہشت گرداں دے حملے دی مذمت کریندیں ہوئیں شہید تھیوݨ آلے 3 اہلکاراں اتے ڈرائیور کوں خراج عقیدت پیش کیتے۔ وزارت داخلہ ولوں بدھ کوں جاری بیان موجب محسن نقوی آکھیا جو “لانس نائیک محمود شاہ، سپاہی شاہد، سپاہی رؤف اتے ڈرائیو شاہ پور شہادت دا بلند رتبہ پاتا۔ انہاں آکھیا جو “شہدا دے لواحقین نال ݙکھ اتے تعزیت کریندوں۔ وزیر داخلہ آکھیا جو “شہید تھیوݨ آلے اہلکاراں دی وݙی قربانی کوں سلام پیش کریندوں۔ شہدا دی قربانیاں دہشتگردی دے خلاف جنگ اچ اساݙے عزم کوں ٻیا مضبوط کریندن۔ محسن نقوی آکھیا جو “شہدا دے لواحقین دے ݙکھ اچ برابر دے شریک ہیسے اتے سوگوار ٹٻراں دے نال کھڑوں۔
