وزیراعظم شہباز شریف دا جی ایم سکندر دی وفات تے افسوس

اسلام آباد۔6اگست (اے پی پی) وزیراعظم محمد شہباز شریف نامور سول سرونٹ جی ایم سکندر دی وفات تے افسوس کیتے۔ بدھ کوں وزیراعظم آفس ولوں جاری تعزیتی بیان موجب وزیر اعظم حکومت پاکستان کیتے جی ایم سکندر دی 39 سالہ خدمتاں دی تعریف کریندیں ہوئیں آکھیا جو “تعلیمی اتے انتظامی خصوصی طور سماجی شعبیاں اچ انہاں دی خدمتاں کوں ہمیشہ یاد رکھیا ویسی۔ وزیراعظم مرحوم دے درجات دی بلندی اتے لواحقین کیتے صبر جمیل دی دعا کیتی۔