اسلام آباد۔6اگست (اے پی پی) وفاقی وزیر برائے قومی صحت سید مصطفیٰ کمال آکھیا جو “حکومت میڈیکل آلات اتے دوائیں دے شعبے اچ سرمایہ کاری دے ودھارے کیتے ہر ممکن سہولتاں ݙیسی۔ اے ڳالھیں انہاں شینڈون گروپ دے چیئرمین نال ملاقات اچ کیتی۔ ملاقات اچ وفاقی سیکرٹری ہیلتھ سید وقارالحسن وی موجود ہن۔ وفاقی وزیر پاکستان اچ طبی آلات اتے دوائیں دی مقامی پیداوار دے ودھارے تے گالھ مہاڑ کیتی۔ انہاں میڈیکل ڈیوائسز اتے دوائیں دی مقامی تیاری، ٹیکنالوجی دی منتقلی اتے سرمایہ کاری دے امکانات تے گالھ مہاڑ کیتی۔ انہاں آکھیا جو حکومت میڈیکل آلات اتے دوائیں دے شعبے اچ سرمایہ کاری دے ودھارے کیتے ہر ممکن سہولتاں ݙیسی، وزارت صحت ملک اچ معیاری طبی آلات تے دوائیں دی سہولتاں دی فراہمی کیتے کوشاں اے۔
