اسلام آباد۔6اگست (اے پی پی) نائب وزیراعظم / وزیرخارجہ سینیٹر محمد اسحاق ڈار دی صدارت اچ پاکستانی امیگریشن، ٻاہرلے ملک روزگار اتے ٹیکنیکل، ووکیشنل ایجوکیشن اینڈ ٹریننگ (ٹی وی ای ٹی) پالیسی بارے جائزہ اجلاس تھیا۔ اجلاس اچ تارکین وطن پاکستانی کمیونٹی دی بہبود کوں پالیسی دا اہم ستون قرار ݙتا ڳئے۔ نائب وزیراعظم دفتر توں جاری پریس ریلیز موجب اوورسیز پاکستانیز اتے وزارت ہیومن ریسورس ڈویلپمنٹ (او پی اینڈ …
نائب وزیراعظم/وزیرخارجہ محمد اسحاق ڈار دی صدارت اچ پاکستانی امیگریشن، ٻاہرلے ملک روزگار اتے ٹیکنیکل، ووکیشنل ایجوکیشن اینڈ ٹریننگ پالیسی بارے جائزہ اجلاس
اسلام آباد۔6اگست (اے پی پی) نائب وزیراعظم / وزیرخارجہ سینیٹر محمد اسحاق ڈار دی صدارت اچ پاکستانی امیگریشن، ٻاہرلے ملک روزگار اتے ٹیکنیکل، ووکیشنل ایجوکیشن اینڈ ٹریننگ (ٹی وی ای ٹی) پالیسی بارے جائزہ اجلاس تھیا۔ اجلاس اچ تارکین وطن پاکستانی کمیونٹی دی بہبود کوں پالیسی دا اہم ستون قرار ݙتا ڳئے۔ نائب وزیراعظم دفتر توں جاری پریس ریلیز موجب اوورسیز پاکستانیز اتے وزارت ہیومن ریسورس ڈویلپمنٹ (او پی اینڈ ایچ آر ڈی) عالمی سطح تے ہنرمند افرادی قوت دی برآمدات ودھاوݨ کیتے تارکین وطن دے رجحانات اتے نویں موقعیں دا جائزہ پیش کیتا۔ نائب وزیراعظم / وزیرخارجہ معیاری ہنر دی ترقی اچ سرمایہ کاری، نویں شعبیں اتے منزلاں دی ڳول اتے پاکستان دی انسانی صلاحیتاں کوں عالمی مارکیٹ دی ضرورتاں موجب ڈھالݨ دی لوڑھ تے زور ݙتا۔ انہاں کوششاں دا مقصد ترسیلات زر اچ ودھارا، ٻاہرلے ملک روزگار دے موقع ودھاوݨ اتے پاکستان دی عالمی مسابقت کوں ودھاوݨ اے۔ اجلاس اچ تارکین وطن پاکستانی کمیونٹی دی بہبود کوں پالیسی دا اہم ستون قرار ݙتا ڳئے۔ اجلاس اچ وزارت اوورسیز پاکستانیزوترقی انسانی وسائل، تجارت اتے صحت دے وزراء، وزیراعظم دے معاون خصوصی طارق باجوہ، کابینہ اتے وزارت سمندر پار پاکستانیز و ترقی انسانی وسائل دے وفاقی سیکرٹریز اتے وزارت خارجہ سودھےٻئے متعلقہ اداریں دے اعلیٰ افسراں شرکت کیتی
