صدر مملکت آصف علی زرداری دا ضلع ژوب اچ بھارتی سرپرستی اچ کم کرݨ آلے 33 خارجیاں کوں جہنم واصل کرݨ تے پاک فوج کوں خراج تحسین

اسلام آباد۔8اگست (اے پی پی) صدر مملکت آصف علی زرداری ضلع ژوب اچ بھارتی سرپرستی اچ کم کرݨ آلے 33 خارجیاں کوں جہنم واصل کرݨ تے پاک فوج کوں خراج تحسین پیش کیتے اتے آکھیے جو “مادر وطن دے دفاع اچ پاک فوج دی جرات، مہارت اتے وختی کارروائی ماݨ دی ڳالھ اے ۔ ایوان صدر دے پریس ونگ توں جاری بیان موجب صدر مملکت آکھیا جو قوم کوں آپݨی بہادر فوجاں تے ماݨ اے، جنہاں دشمن دے ناپاک عزائم کوں مٹی اچ رلا ݙتا۔ صدر آصف علی زرداری آکھیا جو پاکستانی زمین تے دراندازی دی ہر کوشش دا منہ بھن جواب ݙتا ویسی۔ صدر مملکت آکھیے جو پاکستان بھارتی سرپرستی اچ تھیوݨ آلی دہشت گردی دا خاتمہ کریسی، پوری قوم آپݨیاں فوجاں دے نال کھڑی اے اتے دہشت گردی دے منڈھوں خاتمے تئیں اے جنگ جاری رہسی۔