وزیراعظم دا ݙو ݙینھ اچ پاک-افغانستان بارڈر توں پاکستان اچ داخل تھیوݨ دی کوشش کرݨ آلے فتنے الخوارج دے 47 دہشت گرداں کوں ہلاک کرݨ تے سکیورٹی فورسز کوں خراج تحسین

اسلام آباد۔9اگست (اے پی پی) وزیراعظم محمد شہباز شریف ݙو ݙینھ دے دوران ضلع ژوب دے سرحدی علاقے اچ پاک-افغانستان بارڈر توں پاکستان اچ داخل تھیوݨ دی کوشش کرݨ آلے فتنے الخوارج دے 47 دہشت گرداں کوں ہلاک کرݨ تے سکیورٹی فورسز دی تعریف کریندیں آکھیے جو “دہشت گردی دے خلاف جنگ اچ پوری قوم سکیورٹی فورسز دے نال کھڑی اے، ملک توں ہر طرح دی دہشت گردی دے مکمل خاتمے کیتے پرعزم ہیسے۔ وزیراعظم دفتر دے پریس ونگ توں جاری بیان موجب وزیراعظم آکھیا جو سکیورٹی فورسز دے جواناں آپݨی جان تے کھیݙ تے دہشت گرداں دی دراندازی ناکام بݨائی اتے انہاں دے ناپاک عزائم کوں مٹی اچ رلا ݙتا۔ انہاں آکھیا جو دہشت گردی دے خلاف جنگ اچ پوری قوم سکیورٹی فورسز دے نال کھڑی اے اتے اساں ملک توں ہر طرح دی دہشت گردی منڈھوں مکاوݨ سانڳے پرعزم ہیسے۔