بھارتی فضائیہ دے سربراہ دے بیان بھارتی دی رہی سہی ساکھ کوں وی مٹی اچ رلا ݙتا، وزیر دفاع خواجہ محمد آصف

اسلام آباد۔10اگست (اے پی پی) وزیر دفاع خواجہ محمد آصف آکھیے جو بھارتی فضائیہ دے سربراہ دا بیان بھارت اچ مودی دی شمشان گھاٹ اچ سڑی ہوئی اتے راکھ بݨی ہوئی سیاست کوں زندہ کرݨ دی بھونڈی کوشش اے۔ایں طرح دی بیہودہ کوشش بھارتی دی رہی سہی ساکھ کوں وی مٹی اچ رلا ݙتے۔ سوشل میڈیا “ایکس” تے آپݨی پوسٹ اچ انہاں آکھیا جو “ترائے مہینے دے بعد بھارتی ایئر چیف گھاٹے دیاں نندراں توں جاگ پئن اتے انہاں کوں خیال آیا جو انہاں پاکستانی طیارے تباہ کیتے ہن۔ انہاں دا بیان بھارت اچ مودی دی شمشان گھاٹ سڑی ہوئی اتے راکھ بݨی ہوئی سیاست کوں زندہ کرݨ دی ناکام کوشش اے۔ انہاں آکھیا جو “مودی وطن اچ اتے دنیا اچ ٹکے ٹوکری تھی چکئن، ایں طرح دی بیہودہ کوشش بھارتی دی رہی سہی ساکھ کوں وی مٹی اچ رلا ݙتے۔