سیاسی جماعتاں دے وچال ڈائیلاگ ہی جمہوریت اتے پارلیمان کوں مزید تکڑا کرسڳدے، وفاقی وزیر پارلیمانی امور ڈاکٹر طارق فضل چوہدری

اسلام آباد۔10اگست (اے پی پی) وفاقی وزیر پارلیمانی امور ڈاکٹر طارق فضل چوہدری پاکستان دی دستور ساز اسمبلی دی 78ویں سالڳنڈھ دے موقع تے آپݨے پیغام اچ آکھیا جو پارلیمان ہی عوام دی آواز اے اتے ایں دے ذریعے سارے مسئلیں دا حل ممکن اے۔10 اگست 1947 کوں پہلی دستور ساز اسمبلی دا قیام بانی قائداعظم محمد علی جناح دی جمہوری سوچ کوں ظاہر کریندے۔ وفاقی وزیر مزید آکھیا جو ہمیشہ سیاسی ڈائیلاگ دی گھٹکی پاروں جمہوریت کوں مسئلے رہین ۔ خوشی اے جو پیپلزپارٹی اتے مسلم لیگ ن ماضی دیاں غلطیاں توں سبق سکھ تے میثاقِ جمہوریت تے اتفاق کیتا۔ ڈاکٹر طارق فضل چوہدری مزید آکھیا جو اڄ پی ٹی آئی کوں وی ایہو مشورہ ݙیساں جو انہاں دے سارے مسئلیں دا حل پارلیمان کنے ہے تے اے صرف سیاسی ڈائیلاگ دے ذریعے ہی ممکن اے۔ وفاقی وزیر طارق فضل چوہدری زور ݙے تے آکھیے جو اڄ دی اپوزیشن کوں وی ٻئے قومی مسئلیں تے ٻئیاں سیاسی جماعتاں دے نال ٻہہ تے جمہوریت اتے پارلیمان کوں تکڑا کرݨا چاہیدا اے۔ انہاں مزید آکھیا جو”معیشت، دفاع، تعلیم اتے صحت سودھے سارے شعبے مضبوط تھیسن جے اپوزیشن مثبت تنقید کریندیں قومی مسئلیں دے حل کیتے حکومت دے نال ٻہے۔