غزہ۔11اگست (اے پی پی) قطر دے نشریاتی ادارے الجزیرہ آکھیا جو ایں دے ݙو نمائندیاں سودھے چار صحافی غزہ سٹی اچ ہک اسرائیلی فضائی حملے اچ شہید تھی ڳئن، انہاں اچ ݙو کیمرہ مین وی شامل ہن۔ فرانسیسی خبررساں ادارے (اے ایف پی) دے مطابق غزہ سٹی دے الشفا ہسپتال دے ڈائریکٹر الجزیرہ نال وابستہ 4 صحافیاں دی شہادت دی تصدیق کیتی اے۔ الجزیرہ دا آکھݨ اے جو 28 سالہ صحافی انس الشریف آپݨے ترائے ساتھیاں دے نال ایں ویلھے مارے ڳئے جݙاں ہسپتال دے دروازے دے باہر صحافیاں کیتے بݨائے ڳئے کیمپ کوں نشانہ بݨایا ڳیا۔ انس الشریف الجزیرہ عربی دے مشہور نمائندے ہن اتے شمالی غزہ توں مسلسل رپورٹنگ کریندے پئے ہن۔
