11 اگست اقلیتاں دے حقوق دی حفاظت اتے قومی ہم آہنگی دے عہد کوں پکا کرݨ دا ݙینھ اے، اے قائداعظم دے ایں وژن دی یاد ݙیواوݨ دا ݙینھ اے جئیں اچ ہر شہری کوں برابری اتے آپسی عزت دا حق حاصل اے، صدر مملکت آصف علی زرداری دا سِنیہا

اسلام آباد۔11اگست (اے پی پی) صدر مملکت آصف علی زرداری آکھیا جو جو اڄ اقلیتاں دے حقوق دی حفاظت اتے قومی ہم آہنگی دے عہد کوں پکا کرݨ دا ݙینھ اے۔ اے قائداعظم دے ایں وژن دی یاد ݙیواوݨ دا ݙینھ اے جئیں اچ ہر شہری کوں برابری اتے آپسی عزت دا حق حاصل ہا۔ اقلیتاں دے ݙینھ دے خاص سنیہے اچ صدر مملکت آکھیا جو اساں اقلیتی برادریاں دی خدمتاں کوں سلام پیش کریندوں، اقلیتاں مسلح فوجاں، عدلیہ، سول سروسز، تعلیم اتے صحت دے شعبیاں اچ بہترین خدمتاں ݙتن، انہاں دی وطن نال محبت اتے خدمتاں پوری قوم کیتے فخر دی ڳالھ اے۔ انہاں آکھیا جو پاکستان دا آئین سارے شہریاں کوں کہیں فرق دے بغیر برابر دے حقوق دا ضامن اے اتے انہاں دے سیاسی، معاشی، مذہبی، سماجی اتے ثقافتی حقوق دی پوری حفاظت کریندے۔ صدر مملکت آکھیا جو حکومت اقلیتاں دی بہتری اتے انہاں کوں طاقت ݙیوݨ کیتے عملی اقدامات کیتن، اقلیتی طلباء کوں وظیفے اتے پیسیاں دی مدد ݙتی ویندی پئی اے۔ صدر مملکت 2009 اچ آپݨی پہلی صدارت اچ 11 اگست کوں اقلیتاں دا ݙینھ قرار ݙتا ہا۔ انہاں آکھیا جو اساں مذہب دے لوکاں وچال گالھ مہاڑ کوں ودھیسوں اتے قومی زندگی اچ اقلیتاں دی صحیح شرکت کوں یقینی بݨیسوں۔ صدر مملکت آکھیا جو اقلیتاں کوں طاقتور بݨاوݨ، انہاں دی ترقی اتے بہتری کیتے کم جاری رکھیسوں۔ انہاں آکھیا جو بھائی چارے، ہم آہنگی اتے اتحاد نال ہک خوشحال پاکستان بݨیسوں۔