اسلام آباد۔11اگست(اے پی پی)پاکستان غزہ اچ اسرائیل دی قابض فوج دے تازہ فضائی حملے دی شدید مذمت کیتی اے۔ ترجمان دفتر خارجہ آکھیے جو پاکستان متاثرین دے خانداناں نال ہمدردی اتے افسوس کریندے ایں اوکھے اتے مصیبت دے ویلھے اچ فلسطین دے عوام دے نال یکجہتی کریندے۔ ترجمان دفتر خارجہ آکھیا جو "اسرائیلی قابض فوجاں دا اے گھناؤنا حملہ بین الاقوامی اتے انسانی حقوق دے قوانین دی ہک ٻئی سنگین …
پاکستان دی غزہ اچ قابض اسرائیلی فوج دے تازہ فضائی حملے دی شدید مذمت
اسلام آباد۔11اگست(اے پی پی)پاکستان غزہ اچ اسرائیل دی قابض فوج دے تازہ فضائی حملے دی شدید مذمت کیتی اے۔ ترجمان دفتر خارجہ آکھیے جو پاکستان متاثرین دے خانداناں نال ہمدردی اتے افسوس کریندے ایں اوکھے اتے مصیبت دے ویلھے اچ فلسطین دے عوام دے نال یکجہتی کریندے۔ ترجمان دفتر خارجہ آکھیا جو “اسرائیلی قابض فوجاں دا اے گھناؤنا حملہ بین الاقوامی اتے انسانی حقوق دے قوانین دی ہک ٻئی سنگین خلاف ورزی اے جو قابض ملک ولوں کیتے ڳئے جرماں دی وسعت اتے شدت کوں واضح کریندے۔ ترجمان دفتر خارجہ آکھیا جو “حکومت پاکستان عالمی برادری توں مطالبہ کریندے جو اسرائیلی استثنیٰ کوں مکاوݨ کیتے فوری اتے فیصلہ کن اقدام کریندے شہریاں دی حفاظت یقینی بݨائی ونڄے اتے اسرائیل کوں ایںدے اقدامات دا جواب ݙیوݨ دے قابل بݨایا ونڄے، پاکستان مسئلہ فلسطین کیتے آپݨی دیرینہ حمایت دا اعادہ کریندے اتے اقوام متحدہ دی سلامتی کونسل دیاں متعلقہ قرارداداں دے مطابق ہک منصفانہ، پائیدار اتے پرامن حل تے زور ݙیندے۔ اقوام متحدہ دیاں قرارداداں اچ فلسطینی عوام دے حقوق اتے وقار کوں برقرار رکھیندے ہک آزاد، خودمختار، قابل عمل اتے جڑی ہوئی فلسطینی ریاست دا قیام شامل اے جو جون 1967 توں پہلے دیاں سرحداں تے مبنی ہووے اتے جیں دا دارالحکومت القدس الشریف ہووے۔
