وفاقی وزیر داخلہ دا ژوب دے علاقے سمبازہ اچ فتنہ الہندوستان دے ٻئے 3 دہشت گرداں کوں جہنم واصل کرݨ تے سکیورٹی فورسز کوں خراج تحسین

اسلام آباد۔12اگست (اے پی پی) وفاقی وزیر داخلہ محسن نقوی بلوچستان دے ضلع ژوب دے علاقے سمبازہ اچ فتنہ الہندوستان دے مزید 3 دہشت گرداں کوں جہنم واصل کرݨ تے سکیورٹی فورسز کوں خراج تحسین پیش کیتے۔ آپݨے بیان اچ وزیر داخلہ گزریل کڄھ ݙینہاں اچ مجموعی طور تے 50 بھارتی سپانسرڈ دہشت گرداں کوں عبرتناک انجام تئیں پڄاوݨ تے سکیورٹی فورسز دی پیشہ ورانہ صلاحیتاں دی تعریف کیتی۔ وزیر داخلہ محسن نقوی آکھیا جو فتنہ الہندوستان دے دہشت گرداں دے خلاف سکیورٹی فورسز دی کامیابیاں کوں قوم قدر دی نگاہ نال ݙیکھدی اے، سکیورٹی فورسز بلوچستان اچ فتنہ کھنݙاوݨ اچ ملوث بھارتی سپانسرڈ دہشت گرداں کوں جہنم واصل کیتا۔ انہاں آکھیا جو سکیورٹی فورسز بلوچستان اچ امن کوں سبوتاژ کرݨ دی گھناؤنی سازش کوں ناکام بݨایا، فتنہ الہندوستان دے دہشت گرداں دے ارادے ناکام بݨاوݨ تے سکیورٹی فورسز کوں سلام پیش کریندن، بھارتی سپانسرڈ دہشت گرداں دے پورے خاتمے کیتے پوری قوم سکیورٹی فورسز دے نال کھڑی اے۔