اسلام آباد۔12اگست (اے پی پی) صدر مملکت آصف علی زرداری نال پاکستان اچ مراکش دے سفیر محمد کارمون ایوان صدر اچ ملاقات کیتی اتے ݙوہاں ملکاں وچال بھائی چارے دے تعلقات کوں مضبوط بݨاوݨ دی لوڑھ تے زور ݙتا۔ منگل کوں ایوان صدر دے پریس ونگ توں جاری بیان موجب ملاقات اچ صدر مملکت آصف علی زرداری پاکستان اتے مراکش وچال بھائی چارے دے تعلقات کوں ٻیا مضبوط بݨاوݨ تے …
صدر آصف علی زرداری دی مراکش دے سفیر محمد کارمون نال ملاقات، ݙوپاسہ تعاون ودھاوݨ دا عزم
اسلام آباد۔12اگست (اے پی پی) صدر مملکت آصف علی زرداری نال پاکستان اچ مراکش دے سفیر محمد کارمون ایوان صدر اچ ملاقات کیتی اتے ݙوہاں ملکاں وچال بھائی چارے دے تعلقات کوں مضبوط بݨاوݨ دی لوڑھ تے زور ݙتا۔ منگل کوں ایوان صدر دے پریس ونگ توں جاری بیان موجب ملاقات اچ صدر مملکت آصف علی زرداری پاکستان اتے مراکش وچال بھائی چارے دے تعلقات کوں ٻیا مضبوط بݨاوݨ تے زور ݙتا۔ صدر آصف علی زرداری آکھیا جو پاکستان اتے مراکش دے تعلقات سانجھے عقیدے، اقدار اتے آپسی احترام تے مبنی ہن۔ صدر مملکت مراکش دے نال مختلف شعبیاں اچ ݙوپاسہ تعاون ودھاوݨ دا عزم کیتا۔ انہاں آکھیا جو پاکستان مراکش دے نال معاشی تعلقات کوں بہوں اہمیت ݙیندے، ݙوہاں ملکاں اچ تعاون دے وسیع موقع موجود ہن۔ صدر مملکت 2022 دے سیلاب اچ پاکستان دی مدد تے مراکش دا شکریہ ادا کیتا۔ صدر مملکت شاہ محمد ششم دی صحت کیتے نیک خواہشات دا اظہار کیتا۔
