اسلام آباد۔14اگست (اے پی پی) چینی سفارتخانے پاکستان دے عوام اتے حکومت کوں یوم آزادی تے مبارخ پیش کریندیں ہوئیں پاکستان دی ترقی اتے خوشحالی دی خواہش دا اظہار کیتے۔ چینی سفارتخانے سماجی رابطیاں دی ویب سائٹ ایکس تے آپݨی پوسٹ اچ پاک چین مستحکم دوستی اچ ودھارے دی خواہش دا اظہار کیتا اتے پاکستان دے استحکام کیتے دعا منڳی۔ پوسٹ اچ پاک چین دوستی زندہ باد سودھے ݙوہاں ملکاں دے پرچم وی سانجھے کیتے ڳئے جݙاں جو یوم آزادی دے موقع تے مینار پاکستان دے بیک گراؤنڈ اچ سبز ہلالی پرچم تے مشتمل تصویر وی سانجھی کیتی ڳئی۔
