اسلام آباد۔14اگست (اے پی پی) امریکی وزیر خارجہ مارکو روبیو پاکستان دے عوام کوں یوم آزادی دے موقع تے مبارخ ݙتی۔ خمیس کوں جاری تھیوݨ آلے ہک بیان اچ مارکو روبیو دہشت گردی دے خلاف لڑݨ اتے تجارت سویں شعبیاں اچ امریکہ دے نال پاکستان دے تعاون دی تعریف کیتی۔ انہاں ݙوپاسہ تعلقات خاص طور تے اہم معدنیات اتے ہائیڈرو کاربن جیڑھے ابھردے شعبیاں کوں ودھاوݨ دی امید ظاہر کیتی۔ مارکو روبیو آکھیا جو اساں متحرک کاروباری سانجھے داری کوں ودھاوݨ دے منتظر ہیسے جو امریکیاں اتے پاکستانیاں کیتے ہک خوشحال مستقبل کوں ودھاوے۔ واضح رہے جو اے سنیھا پاکستان دے نال اسٹریٹجک اتے اقتصادی تعلقات کوں مضبوط بݨاوݨ دے واشنگٹن دے ارادے دی نشاندہی کریندے، ݙوہاں ملک علاقائی اتے عالمی منڈیاں اچ تعاون دے نویں موقعے تلاش کریندے پئن۔
