چین اچ پاک بحریہ دی تریجھی ہنگور کلاس آبدوز پی این ایس ایم مانگرو دی لانچنگ تقریب

راولپنڈی۔16اگست (اے پی پی) چین اچ پاک بحریہ دی تریجھی ہنگور کلاس آبدوز پی این ایس ایم مانگرو (MANGRO) دی لانچنگ تقریب دا انعقاد کیتا ڳئے۔ ڈپٹی چیف آف نیول سٹاف پراجیکٹ-2 وائس ایڈمرل عبد الصمد تقریب دے مہمان خصوصی ہن۔ ہفتے کوں آئی ایس پی آر توں جاری بیان موجب ایں موقع تے ڈپٹی چیف آف نیول اسٹاف پراجیکٹ-2 وائس ایڈمرل عبد الصمد آکھیا جو ہنگور کلاس آبدوزاں خطے اچ طاقت دا توازن اتے امن و استحکام کوں برقرار رکھݨ اچ اہم کردار ادا کریسن، اے پراجیکٹ یقیناً پاک چین دوستی اچ ہک نویں جہت دا ودھارا کریسی۔ وائس ایڈمرل عبد الصمد ایں ڳالھ تے زور ݙتا جو پاک بحریہ محفوظ اتے سانجھے ماحول کوں ودھارا ݙیندیں قومی مفادات دے تحفظ کیتے پرعزم اے۔ انہاں آکھیا جو ہنگور کلاس آبدوزاں خطے اچ طاقت دا توازن اتے امن و استحکام کوں برقرار رکھݨ اچ اہم کردار ادا کریسن، اے پراجیکٹ یقیناً پاک چین دوستی اچ ہک نویں جہت دا ودھارا کریسی۔ حکومت پاکستان چین دے نال 8 ہنگور کلاس آبدوزاں دے حصول دے معاہدے تے دستخط کیتن۔ معاہدے دے تحت 4 آبدوزاں چین اچ اتے 4 کراچی شپ یارڈ اچ ٹرانسفر آف ٹیکنالوجی دے تحت تعمیر کیتیاں ویسن، اے آبدوزاں جدید ترین ہتھیاراں اتے سینسرز نال لیس ہوسن جیں نال پرے تئیں ہدف کوں نشانہ بݨایا ونڄ سڳسی۔ لانچنگ تقریب اچ پاکستان اتے چین دے حکام وی شرکت کیتی۔