لندن۔29 ستمبر(اے پی پی)وزیراعظم محمد شہباز شریف برطانیہ دے دورے اچ دنیا دے معروف مالیاتی اداریاں بارکلیز، جے پی مورگن، سٹی، بلیک راک تے روتھ شیلڈ اینڈ کو دے اعلیٰ حکام نال انڄھ انڄھ ملین۔ ملاقاتاں اچ پاکستان دے معاشی اصلاحاتی ایجنڈے، معاشی استحکام، سرمایہ کاری دے سازگار ماحول تے عالمی مالیاتی شعبے نال تعاون بارے الایا۔ بارکلیز دے ہیڈ آف پرائیویٹ بینک اینڈ ویلتھ مینجمنٹ یو کے محمد کمال …
وزیراعظم دا دورہ برطانیہ، ڄڳ معروف مالیاتی اداریاں بارکلیز، جے پی مورگن، سٹی، بلیک راک اتے روتھ شیلڈ اینڈ کو دے اعلیٰ حکام نال ملاقاتاں
مزید خبراں
لندن۔29 ستمبر(اے پی پی)وزیراعظم محمد شہباز شریف برطانیہ دے دورے اچ دنیا دے معروف مالیاتی اداریاں بارکلیز، جے پی مورگن، سٹی، بلیک راک تے روتھ شیلڈ اینڈ کو دے اعلیٰ حکام نال انڄھ انڄھ ملین۔ ملاقاتاں اچ پاکستان دے معاشی اصلاحاتی ایجنڈے، معاشی استحکام، سرمایہ کاری دے سازگار ماحول تے عالمی مالیاتی شعبے نال تعاون بارے الایا۔ بارکلیز دے ہیڈ آف پرائیویٹ بینک اینڈ ویلتھ مینجمنٹ یو کے محمد کمال سید نال ملاقات اچ وزیراعظم پاکستان اچ بینک دی دلچسپی دا خیرمقدم کیتا۔ وزیراعظم انہاں کوں حکومت ولوں معاشی استحکام کیتے کیتے ڳئے اقدامات دا ݙسایا اتے بارکلیز کوں پاکستان دے مالیاتی شعبے اتے کاروباری مواقعاں اچ سرمایہ کاری دی دعوت ݙتی۔ جے پی مورگن دے شریک چیف ایگزیکٹو میتھیو ولٹز دی قیادت اچ اعلیٰ سطح وفد نال ملاقات اچ سرمایہ مارکیٹس، تجارتی فنانسنگ اتے انویسٹمنٹ بینکنگ دے شعبیاں اچ تعاون مزید ودھاوݨ تے ڳالھ مہاڑ تھئی۔ وزیراعظم جے پی مورگن کوں پاکستان اچ اپݨیاں سرگرمیاں اتے موجودگی کوں ٻیا ودھاوݨ دی دعوت ݙتی۔ وفد پاکستان دے خودمختار قرضہ جات دی کیپٹل مارکیٹس تے کارپوریٹ بینکنگ دے شعبیاں اچ دلچسپی ݙکھائی۔ وزیر اعظم سٹی دے چیف کلائنٹ آفیسر ڈیوڈ لیونگ اسٹون دی قیادت اچ اعلیٰ حکام نال ملین۔ بلیک راک دے ایمرجنگ مارکیٹس اینڈ فرنٹیئرز دے شریک سربراہاں گورڈن فریزر اتے سیم ویچ ڄݙاں جو پورٹ فولیو مینیجر و ریسرچ اینالسٹ ایملی فلیچر تے مشتمل وفد نال وی وزیر اعظم ملاقات کیتی۔ ݙوہائیں پاسوں سرمایہ کاراں دے اعتماد کیتے پالیسیاں اچ تسلسل دی اہمیت تے زور ݙتا ڳیا۔ روتھ شیلڈ اینڈ کو دے چیئر، جیو سٹریٹجک ایڈوائزری لارڈ مارک سیڈول تے ہیڈ آف یو کے انویسٹمنٹ بینکنگ مجید اسحاق نال ملاقات اچ پاکستان دی جیو اکنامک ترجیحات تے کیپٹل مارکیٹس و سرمایہ کاری دی حکمتِ عملی بارے ممکنہ مشاورتی تعاون تے الایا۔ ملاقاتاں اچ عالمی مالیاتی اداریاں دے اعلیٰ حکام پاکستان دے معاشی اصلاحاتی عمل اچ پیشرفت تے اعتماد ݙکھیندے مالیاتی شعبے نال تعاون اتے روابط ودھ مضبوط بݨاوݨ دا عزم دوہرایا۔ ملاقاتاں اچ وفاقی وزیرِ خزانہ سینیٹر محمد اورنگزیب اتے وزیراعظم دے مشیر برائے نجکاری و چیئرمین نجکاری کمیشن محمد علی وی موجود ہن۔
