اسلام آباد۔17اگست(اے پی پی)بونیر، شانگلہ اتے سوات دے مختلف علاقیں وچ پاک فوج اتے فرنٹیئر کور نارتھ دا ریسکیو آپریشن جاری اے جئیں دے تحت پاک فوج دے مزید دستے رات کوں چھل آلے علاقیں اچ پڄ ڳئن اتے امداد اتے بحالی دا کم سنبھال ڳھدے جݙاں جو کور آف انجینئرز دے دستیں وی ساز و سامان سودھے کم دا آغاز کر ݙتے اتے موسم دی خرابی پاروں پاک فوج …
بونیر، شانگلہ اتے سوات وچ پاک فوج اتے فرنٹیئر کور نارتھ دا ریسکیو آپریشن جاری
مزید خبراں
اسلام آباد۔17اگست(اے پی پی)بونیر، شانگلہ اتے سوات دے مختلف علاقیں وچ پاک فوج اتے فرنٹیئر کور نارتھ دا ریسکیو آپریشن جاری اے جئیں دے تحت پاک فوج دے مزید دستے رات کوں چھل آلے علاقیں اچ پڄ ڳئن اتے امداد اتے بحالی دا کم سنبھال ڳھدے جݙاں جو کور آف انجینئرز دے دستیں وی ساز و سامان سودھے کم دا آغاز کر ݙتے اتے موسم دی خرابی پاروں پاک فوج دے ہیلی کاپٹر ریسکیو مشن وچ مصروف ہن۔ آرمی چیف دی ہدایت موجب پاک فوج دا ہک ݙینھ دا راشن وی لوکاں کوں پڄایا ویندا پئے، پاک فوج دے ڈاکٹرز متاثرہ علاقیں وچ میڈیکل کیمپ وی لاتن جتھاں مفت دوا اتے علاج معالجے دیاں سہولتاں ݙتیاں ویندیاں پئن۔ بونیر دے گانو چوراک وچ پاک فوج دے دستے ریسکیو آپریشن وچ مصروف ہن، آدم خیل وچ تباہ شدہ مکاناں دے ملبے تلے دٻئے لوکاں دی بحالی دا سلسلہ جاری اے۔ سارے متاثرہ لوکاں کوں بحفاظت ریسکیو کرݨ اتے محفوظ جاہواں تے منتقل کرݨ تئیں آپریشن جاری رہسی۔ پاک فوج دی طرفوں متاثرہ خانداناں کوں ضروری چیزاں وی ݙتیاں گئن جئیں وچ راشن اتے بسترے شامل ہن۔ پاک فوج دی طرفوں متاثرہ لوکاں سانڳے ہر ممکن اقدامات کوں یقینی بݨایا ویندا پئے۔ عوام ساریاں کوششاں تے اطمینان دا اظہار کریندے پاک فوج دا شکریہ ادا کیتے
