اسلام آباد۔17اگست (اے پی پی) وفاقی وزیر ریلوے محمد حنیف عباسی لودھراں ریلوے اسٹیشن دے نیڑے عوام ایکسپریس دے پٹری توں لہݨ دے واقعے دا سخت نوٹس گھندیں 7 ݙینھ اچ جامع رپورٹ منگ ڳھدی ، انہاں زخمیاں کوں بغیر کہیں دیر دے اُچے معیار دی طبی امداد دی وختی ݙیوݨ حکم ݙتے۔ عوام ایکسپریس دے پٹری توں لہݨ دے واقعے دے حوالے نال اتوار کوں میڈیا چینلز نال ڳالھ …
وزیر ریلوے دا عوام ایکسپریس دے پٹری توں لہݨ دے واقعے تے فوری انکوائری دا حکم
مزید خبراں
اسلام آباد۔17اگست (اے پی پی) وفاقی وزیر ریلوے محمد حنیف عباسی لودھراں ریلوے اسٹیشن دے نیڑے عوام ایکسپریس دے پٹری توں لہݨ دے واقعے دا سخت نوٹس گھندیں 7 ݙینھ اچ جامع رپورٹ منگ ڳھدی ، انہاں زخمیاں کوں بغیر کہیں دیر دے اُچے معیار دی طبی امداد دی وختی ݙیوݨ حکم ݙتے۔ عوام ایکسپریس دے پٹری توں لہݨ دے واقعے دے حوالے نال اتوار کوں میڈیا چینلز نال ڳالھ مہاڑ کریندیں انہاں متعلقہ محکمے اتے ڈویژنل سپرنٹنڈنٹ ریلوے کوں سختی نال ہدایت کیتی جو وختی حادثے دی جاہ تے ونڄ تے بغیر کہیں دیر دے ساریاں امدادی کارروائیاں کوں تکھا کیتا ونڄے۔ انہاں سارے ریلوے حکام کوں سخت خبردار کیتے جو کہیں وی قسم دی غفلت یا تاخیر برداشت نہ کیتی ویسی اتے سخت تادیبی کارروائی کیتی ویسی۔ وفاقی وزیر مزید آکھیے جو تحقیقات ٻہوں شفافیت اتے وختی کیتیاں ونڄن تاں جو کوتاہی دے ذمہ واراں کوں قانون دے تحت مکمل طور تے جوابدہ ٹھہرایا ونڄے۔ انہاں زور ݙے تے آکھیے جو مسافراں دی حفاظت کوں یقینی بݨاوݨ پہلی ترجیح اے۔
